Miriam kay Lacson: bisexual, magpapa-sex change!

MANILA, Philippines –  Matapos kumpirmahin ni rehabilitation czar Panfilo Lacson na nasa listahan ng mga umano'y sangkot sa pork barrel scam si Miriam Defensor-Santiago, bumwelta ang senadora sa dating senador ngayong Martes.

Iginiit ni Santiago na kahit kailan ay hindi siya nakipag-ugnayan sa itinuturong mastermind sa pang-aabuso sa Priority Development Assistance Fund na si Janet Lim-Napoles.

“For the record, I never had dealings with Napoles. The Napoles list, if unsigned, has no evidentiary value at all,” pahayag ng senadora.

Kaugnay na balita: Lacson ayaw patulan ang 'baliw' na si Sen. Miriam

Isiniwalat kagabi ni Lacson na base sa kanyang hawak na listahan ng mga opisyal ng gobyerno na nakipagsabwatan kay Napoles ay naroon si Santiago, kung saan kabilang din sina Budget Secretary Florencio Abad, at mga Senador na sina Francis Escudero,  Alan Peter Cayetano, at Gringo Honasan.

“Anyone can make lists. I was told that there is a list entitled 'Closeted gays or bisexuals in public service.' I was given names, and I was requested to say 'Yes' or 'No' on whether the person was truly in the list. When the name Pinky Lacson was called, I said 'Yes',” tirada ni Santiago kay Lacson.

“Anyway, there is an affidavit, although unsigned, circulating in Metro Manila that Pinky Lacson has asked for leave of absence from Malacañang. The highly confidential reason is that he is scheduled for a gender change operation in a remote clinic in the United States,” banat pa ng senadora.

Kaugnay na balita: 4 senador, 1 kalihim sa pork scam pinangalanan ni Lacson

Naniniwala si Santiago na pakana lamang ito ng grupo ng kanyang kaalitang si Senador Juan Ponce Enrile na isa sa mga hinatulan ng Office of the Ombudsman na may kinalaman sa pork barrel scam.

“Lacson is an attack dog of Enrile. The Supreme Court has repeatedly ruled that to allege is not proof. Where is the evidence, as defined in the Rules of Court?”

Bukod kay Lacson, mayroon ding listahan ng mga umano'y may kinalaman sa pork scam si Justice Secretary Leila de Lima na mula mismo kay Napoles.

Mayroon ding sariling listahan ang whistleblower na si Benhur Luy na mas pinaniniwalaan ni Santiago.

“I am pushing to get the list of Benhur Luy. I understand that the Luy list is substantiated by documents and details,” sabi ni Santiago.