MANILA, Philippines - Maagang sumambulat ang labanan sa pulitika sa Pangasinan matapos mag-deklara si Mark Cojuangco na tatakbo siya para pagka-gobernador ng lalawigan sa 2016.
Ikinagulat umano ni incumbent Gob. Amado Espino na napipisil sanang tumakbo ang kanyang anak na nakaupong Provincial Board Member na si Pogi Espino. Maging si Cong. Leopoldo Bataoil, House representative ng 2nd District ng nasabing lalawigan.
Ginawa ni Cojuangco ang deklarasyon pagkatapos ng State of the Provincial Address ni Gob. Espino.
Lumutang naman ang pangalan ni Rep. Rosemarie “Baby†Arenas ng 3rd District na ikinumpara pa kay Princess Urduja dahil sa kanyang leadership qualities.
Maging ang dating gobernador ng lalawigan na si Victor Agbayani, dating alkalde na si Nani Braganza at dating PNP director na si Arturo Lomibao ay napabalitang nakaumang din para sa gubernatorial post ng lalawigan.
Ang bise gobernador ng lalawigan na si Jose Ferdinand Calimlim Jr. ay namamataan ding maaaÂring tumakbo sa pagka-gobernador.
Nagpalabas naman ng advertisement ang kampo ni Gob. Espino sa mga lokal na pahayagan na nagsasaad ng “Trabaho Muna, Huwag Muna Pulitikaâ€.