Rice smugglers panagutin! - magsasaka

MANILA, Philippines – Nagsagawa ng kilos protesta ngayong Huwebes ang grupo ng mga magsasaka upang ihayag ang kanilang pagkondena sa rice smuggling sa bansa.

Nais ng mga magsasakang panagutin ang mga nasa likod ng rice smuggling na pumapatay sa kanilang mga hanap-buhay.

Hiniling din ng grupo kay Customs Commissioner John P. Sevilla na kasuhan hindi lamang ang rice smugglers ngunit pati ang mga ahensya ng gobyernong nasa likod nito.

Tinatayang bilyung-bilyong halaga ng bigas ang nawawala sa mga magsasaka dahil sa rice smuggling sa bansa.

Ang negosyanteng si Davidson Bangayan ang itinuturong si “David Tan” na nagpapatakbo ng illegal na gawain.

Kaugnay na balita: Life sentence sa rice smugglers itinutulak sa Kamara

Kahapon ay inihain ni Northern Samar Rep. Emil Ong ang panukalang habambuhay na pagkakakulong na parusa sa mga mahuhuling rice smugglers sa bansa.

Aniya matitigil ang rice smuggling sa bansa kung may nakaambang mabigat na parusa sa mga madadakip.

"I firmly believe that rice smuggling can be eradicated only if the private sector is prohibited from engaging in rice importation and providing stiffer penalties for violations," pahayag ni Ong.