MANILA, Philippines - Matapos ang malagim na aksidente dahil sa pagkahulog ng Florida bus sa bangin at pagkamatay ng14 katao kabilang ang komedyanteng si Tado, isinusulong ng isang kongresista sa Kamara ang panukalang magkaroon ng tatlong driver sa mga pampasaherong bus na may malalayong biyahe.
Ayon kay Ifugao Tep. Teddy Brawner Baguilat dapat magkaroon ng tatlong bus drivers sa mga long distance na biyahe o sa mga bumibiyahe ng halos walong oras samantalang dalawa naman para sa mga provincial trip, gayundin ay isusulong niya na maalis ang kompensasyon na boundary system.
Giit din ni Baguilat, dapat na ang bus drivers ay alam ang kondisyon ng daan patungong Cordillera na mahaba at makitid na bulubunduking kalsada ng Mt. Province at mga sharp curves hindi tulad sa ibang mababang kalsada.
Nais din nito na malagÂyan ng mga ilaw, directional signs at harang sa gilid ang mga kalsada sa Mt. Province upang maiwasan na ang mga aksidente gayundin ang paglalagay ng speed metering sa mga bus.
Paliwanag pa ng mamÂbabatas, kung hindi maaalis ang reputasyon na mapanganib ang mga daan patungo sa Cordillera ay hindi nila maaabot ang target na bilang ng turista na nagpupunta rito upang makita ang sikat na Ifugao rice terraces.