Total deployment ban ng OFWs sa Sudan

MANILA, Philippines - Dahil sa naganap na civil war sa South Sudan, hindi na papayagan ng gobyerno ang pagpapadala ng mga manggagawa doon.

Ipinatupad ng Philippine Overseas Employment Administration (POEA) Governing Board ang total deploymet ban sa South Udan dahil na rin sa matinding hidwaan sa puliika at ethnic conflict doon kung saan daan-daang katao na ang nagbuwis ng buhay.

Ayon kay Labor Secretary Rosalinda Baldoz, ina­prubahan ng POEA ang Governing Board Resolution No., 14 Series of 2013 na nagpapatupad ng total ban sa pagpro­seso at deployment ng lahat ng OFWs patungo ng South Sudan.

Sinabi ni Baldoz na ang nasabing direktiba ay paiiralin para sa mga new hires at returning workers sa nasabing bansa.

Ito ay bunsod na rin ng nagpapatuloy na karahasan sa nasabing bansa na pinangangambahang magdulot ng panganib sa ating mga kababayan.

Sa ilalim ng Crisis Alert Level 3, paiiralin ng ating gobyerno ang total deployment ban sa nasabing bansa at magpapatupad din ng voluntary repatriation sa ating mga kababayan na naroroon.