De Lima ‘OIC’ ng NBI

MANILA, Philippines - Si Justice Secretary Leila de Lima ang officer-in-charge ng National Bureau of Investigation (NBI).

Mismong ang kalihim ang nag-anunsiyo nito matapos ang tuluyang pagtanggi ni dating Director Nonnatus Rojas na bumalik sa kaniyang posisyon kasunod ng kaniyang isinumiteng “irrevocable resignation.”

Ayon kay de Lima, hihintayin na lamang ang magi­ging pahayag ni Pangulong Aquino kung tinanggap ba niya o hindi ang pagbibitiw ni Rojas.

Inihayag ni de Lima na posibleng kanyang italaga bilang NBI director ay nagmula sa hanay ng NBI, DoJ subalit hindi undersecretary o nagmula sa attached agency ng kagawaran.

Giit ni de Lima, hindi nakayanan ni Rojas ang ma­tinding pressure sa trabaho bukod pa sa problema sa kaniyang kalusugan.