MANILA, Philippines - May 28 residente sa Siaton Negros Oriental na sumusuporta sa New People’s Army ang nagbalik loob sa pamahalaan, kasabay ng pagwasak ng mga sundalo sa mga isÂtrukÂturang itinayo ng mga ito sa Brgy. Mantiquil ng nasabing lalawigan.
Ayon kay Maj. Ray Tiongson, hepe ng 3rd Division Public Affairs Office ng Philippine Army, ang mga residente na ki nabibilangan ng siyam na miyembro ng Sangay sa Partido sa Localidad (SPL) na pinamumunuan ni Rosalie Nama, alyas Pops, at 19 miyembro ng Yunit Militia (YM) ng Lubos na Asosasyong Masa (LAM)/Solid Mass Association sa pamumuno ni Diosdado Nama, alyas Dondi ay nagbalik sa tropa ng 79th Infantry (Marasigan) BaÂtallion sa ilalim ni Ltc. Marion R. Sison.
Sabi ni Tiongson, ang pagsuko ng mga resiÂdente ay makaraang mapagtanto umano ng mga ito ang hirap ng pagsuporta sa pakikibaka at poot sa pagkakalinga sa mga NPA sa kanilang tahanan.
Ang pagsuko ng 28 personalidad na ginugugol ang kanilang gawain sa pagiging underground informants, na kung minsan ay ginagawang taga-puno sa mga mandirigma ng mga NPA, ay nabigyan ng tamang impormasyon na ibinahagi ng tropang Bayanihan mula sa isyung ibinahagi ng mga terorista. Dito ay napagtanto umano ng mga residente na binusog lamang sila ng mga rebelde sa kasinungaliÂngan kaya ipinasya nilang magbalik loob.
Ayon naman kay Sison, itinatrato nilang biktima ang mga ito.