Villar pinakamayaman, Chiz pinakamahirap na Senador

MANILA, Philippines - Wala pa ring nakaagaw ng titulo kay Senator Manny Villar bilang pinakamayamang senador matapos ideklara sa kanyang Statement of Assets, Liabilities and Net Worth (SALN) noong 2012 ang kabuuang net worth na P1.5 bilyon na higit na mas malaki mula sa kanyang mahigit na P845 milyon kayamanan noong 2011.

Pangalawa kay Villar si Sen. Ralph Recto na may net worth na P468,467,036.10 No. 3 si Sen. Ferdinand Marcos na umaabot ang assets sa P471,345,128.35.

No. 4 si Sen. Sen. Jinggoy Estrada na may total assets na P215,236,601.92. No. 5 si Sen. Ramon Bong Revilla Jr.  na may net worth na P169,141,387.21. No. 6 si Sen. Edgardo Angara na may total assets na  P229,017,646.67. No. 7 si Senate President Juan Ponce Enrile na walang naitalang utang ay may net worth na 118,626,539. No. 8 si Sen. Sergio Osmeña  na may net worth na P111,779,000. No. 9 si Sen. Miriam Defensor Santiago na may total assets na P147,694,821. No 10 si Sen. Pilar Julia Ca­yetano, P72,958,612.33. No. 11 si Sen. Vicente Sotto P62,220,571.60. No 12 si Sen. Franklin Drilon, P51,754,363,78. No.13 si Sen. Loren Legarda P45,956,803. No. 14 si Teofisto Guingona P43,496,472.16. No. 15 si Panfilo Lacson, P28,856,647.46. No. 16 si  Sen. Lito Lapid,  P26,000,000. No.17 si Sen. Alan Peter Cayetano, P23,308,333. No. 18 si  Sen. Gregorio Honasan P21,087,050. No.19 si  Sen. Aquilino Martin Pimentel III, P16,989,225. No. 20 si Sen. Francis ‘Kiko’ Pa­ngilinan P14,375,209.99. No. 21 si Sen. Joker Arroyo P11,050,000. No. 22 ang dating pinakamahirap na senador na si Antonio Trillanes IV ay may total asset na  P11,012,000.

Pinakamahirap na nga­­yong Senador si Sen. Francis Joseph “Chiz’ Escudero na may net worth na P4,017,082.09.