PCSO officials pinagpapaliwanag ng Palasyo

MANILA, Philippines - Pinagpapaliwanag ng Malacañang ang ilang opisyal ng Phi­lippine Cha­rity Sweepstakes Office (PCSO) ka­ugnay sa ulat ng Commis­sion on Audit (COA) na dapat isauli ng mga ito ang P10-milyon na ‘disallowed allowances’ noong 2011.

Sinabi ni Deputy Pre­sidential Spokesperson Abi­gail Valte, pagpapaliwanagin ng Palasyo ang mga opisyal ng PCSO na tinukoy umano sa COA report.

Kabilang sa mga pi­­­nagpapaliwanag ay sina PCSO chairperson Marga­rito Juico, PCSO board mem­bers Aleta To­lentino, Joaquin Francisco III, Betty Nantes at Mabel Mamba.

Ipinasasauli ng COA ang unauthorized na sweldo at allowances na natanggap ng mga nasa­bing PCSO officials na umaabot ng P10 milyon noong 2011. Kabilang ang nasabing mga official sa 300 highest paid go­vernment executives na itinalaga ni Pangulong Be­nigno Aquino III sa government posts.

Tiniyak naman ni Usec. Valte na patuloy pa din ang pagtitiwala ng Pangulong Aquino sa nasabing mga opisyal ng PCSO at naniniwala silang maipapaliwanag na mabuti ng naturang mga opisyal ang kinukuwestyon sa kanila ng COA.