Sanhi ng pagkamatay ni ‘Lolong’ sisiyasatin ng DENR

MANILA, Philippines - Nagpadala na ng team kahapon ang De­partment of Environment and Natural Resources (DENR) na ki­na­bibila­ngan ng mga veterina­ rians at biological experts sa Bunawan, Agu­­ san del Sur  upang malaman ang tunay na sanhi ng pagkamatay ng Worlds longest  crocodile na si Lolong.

Ayon kay DENR Sec. Ramon J.P. Paje, ti­ti­yakin ng kanyang mga tauhan mula sa Protected Areas and Wildlife Bureau (PAWB) at National Museum na mananati­ling buhay sa mata ng publiko si lolong dahil sa  iprepreserba ang balat nito sa oras na matapos na ang imbestigasyon.

Si Lolong ay nasukat ni Dr. Adam Britton ng National Geographic Channel (NGC) at opis­yal na naghayag na si  Lolong ay may sukat na  6.17 meters (20.24 feet)  kayat nabigyan ng  award bilang mid-2012  ng  Guinness World Record dahil sa pagiging pinaka malaki at mahabang buwaya na nahuli sa mundo.