MANILA, Philippines - Umaabot na sa halos 2,000 residente ang nagsilikas sa takot na maipit sa bakbakan sa pagitan ng Moro National Liberation Front (MNLF) at ng Abu Sayyaf Group (ASG) sa lalawigan ng Sulu.
Sa ulat ng Sulu Provincial Office, nasa 349 pamilya o kabuuang 1,870 katao ang nagsilikas sa tatlong barangay sa Patikul, Sul. Kabilang dito ang 261 pamilya mula sa Brgy. DaÂnag, 66 sa Brgy. Kaunayan at 22 namang pamilya sa Brgy. Buhanginan.
Ang labanan ng magÂÂkabilang grupo ay sumiklab noong Linggo dakong alas-7 ng umaÂga na nasundan nitong Lunes dahil sa agawan sa hostage partikular na ang Jordanian journalist na si Baker Atyani na binihag ng mga bandido noong Hunyo 2012.
Sa nasabing insidente, nasa 30 ang patay sa magkabilang panig.
Sa kasalukuyan, ayon naman kay Col. Orlando de Leon, Commander ng Army’s 2nd Brigade ay nakaalerto sila sa posibleng paglawak ng sagupaan sa pagitan ng magkabilang grupo upang bigyang proteksyon ang mga sibilyan sa lalawigan.
Napaula ang pagpapalakas pa ng puÂwersa ng MNLF upang muling magsagawa ng matindi at malakihang pag-atake laban sa mga bandidong Abu Sayyaf.
Nagtitipun-tipon umaÂno ngayon ang MNLF forces sa pamumuno ng CommanÂder ng mga itong si Habier Malik upang planuhin ang muli ng mga ito ang pagsalakay sa kuta ng mga kalabang bandido.
Nabatid pa na determinadong rumesbak ang MNLF dahil pinugutan ng ulo ng Abu Sayyaf ang ilan nilang kasamahan.