MANILA, Philippines - Maghahandog ng libreng sakay sa publiko ang Light Rail Transit (LRT) Line 1 at 2 at Metro Rail Transit (MRT) ngayong Rizal Day, Disyembre 30.
Ito’y bilang bahagi umano ng pagdiriwang sa kabayanihan ng Pambansang Bayani na si Dr. Jose Rizal.
Ayon kay LRTA spokesman Atty. Hernando Cabrera, ang libreng sakay ay mula 7:00 ng umaga hanggang 9:00 ng umaga at mula 5:00 ng hapon hanggang 7:00 ng gabi.