Comelec nagsugod na og monitor, REMAC gi-activate
CEBU, Philippines — Pila nalang ka buwan mahitabo na ang Midterm Election 2025 ug kini maoy hugot nga gipangandaman sa Philippine National Police, Armed Forces of the Philippines ingon man sa Commission on Elections kini aron malinawon ug hapsay kining mapahigayon.
Kagahapon, gibuksan na sa Police Regional Office(PRO)-7, COMELEC ug AFP ang Regional Election Monitoring Action Center(REMAC).
Ang pagbukas sa REMAC gipangulohan ni Atty. Francisco Pobe, Regional Director sa COMELEC Region Seven ug Officer-in-Charge sa PRO-7 Police Brigadier General Dionisio Bartolome Jr.
Nagkanayon si Atty. Pobe ang activation sa Monitoring Action Center importante alang sa pag-monitor sa mga kalihukan sa election period sa tanang munisipyo, siyudad, probinsiya ug regional offices.
Mao kini ang coordinating office nga makakuha matod pa og statistical data ingon man ma-monitor ang tanang activities incidents o non-incidents aron mahibaw-an unsa ang status sa electon period. Gibutyag ni Atty. Pobe nga sa Regional Joint Security Control Center meeting ipresentar sa PNP ug AFP peace and order status sa Rehiyon subay na sa pagsugod sa election period sa Enero 12, 2025.
“Well so far from the records of the PNP and as being reported to us wala pa (election related incidents),” sigon ni Pobe.
Karong Enero 12 ipatuman na sab ang nationwide gun ban ug matod ni Atty. Pobe magsugod na sab sila sa prohibitions ug do’s and don’t’s sa election period.
Si Police Brigadier General Dionisio Bartolome Jr., Officer-in-Charge sa PRO-7 nagkanayon nga sila sa kapulisan nanghinaot og luwas ug patas nga eleksyon. IBM BANAT NEWS
- Latest
