Tulo ka barangay gipaesplika bahin sa budget deficits

CEBU, Philippines — Tulo ka barangay sa Dakbayan sa Sugbo ang gipatawag sa konseho sa siyudad aron pagpasabot sa findings sa Commission on Audit (COA) kalabot sa ilang bag-o nga report human nadiskubrehi ang pipila ka budget deficits.  

Niadtong Miyerkules, atol sa regular session, gi-note sa Cebu City Council ang COA reports sa 32 ka barangay sa siyudad diin tulo niining maong barangay ang nagkinahanglan nga muhatag og katin-awan tungod sa budget deficits nga namatikdan sa mga state auditor.

Ang nahisgutang tulo ka barangay mao ang Basak Pardo, Lahug, ug Lorega San Miguel.

Sayo pa, gihangyo sa konseho ang chairman sa Barangay Basak Pardo nga ipasabot ang ddeficit a 2020 nga nikabat ngadto sa P2,226,216.56.

Ang report sa COA sa financial statements (FS) nagpakita nga ang Barangay Basak Pardo adunay kinatibuk-ang P246,000 nga wala pa ma-release o gibalik nga cash aid gikan sa gituyo nga beneficiaries ubos sa Social Amelioration Program sa panahon sa COVID-19 pandemic.

Namatikdan sa mga state auditor nga ang pundo wala gibalik ngadto sa barangay treasurer.

Base usab sa COA report nga ang cash advances nga nagkantidad og P716,583.45 alang sa samang barangay nagpabiling un-liquidated sukad niadtong Disyembre 31, 2020.

Sa kataposan, ang COA nitaho nga pipila ka disbursements gikan sa nangaging mga tuig nagpabilin nga wala ma-record sa mga libro sa mga account sa barangay nga nikabat ngadto sa P15,289,360.21 sa tuig 2020.

Ikaduha, nangayo og katin-awan ang konseho gikan sa chairman sa Barangay Lahug kalabot sa mga deficit nga naobserbahan niadtong 2021 nga nikabat sa P4,082,034.94, ug ang deficit niadtong 2020, nga nikabat sa P8,957,406.46.

Ubos sa Auditor's report sa FS, namatikdan nga ang mga cash advance nga nagkantidad og P26,076,225.08 sa tuig 2020 ug P26,084,319.36 sa tuig 2021 nagpabilin nga unliquidated sa Disyembre 31 niining mga tuiga. Namatikdan usab nga pipila ka mga disbursement gikan sa nangaging mga tuig nagpabilin nga wala marekord sa mga libro sa account sa barangay nga nikabat sa P32,876,821.04 alang sa 2020 ug 2021 nga niresulta sa pag-overstate sa cash in bank - local currency current account.

Gitawag usab sa konseho ang atensiyon sa Barangay Lorega San Miguel aron ipasabot ang deficit nga giatubang sa barangay niadtong tuig 2022 nga nikabat sa P5,769,394.97.

Ubos sa financial statements sa barangay namatikdan sa auditors ang understatement sa year-end balance sa cash in bank - local currency, current account nga P43,058.23, tungod sa wala ma-record nga mga disbursement sa tseke, stale checks ug sayop nga mga entry o over-recording.

Gikataho usab nga ang mga cash advance nga nagkantidad og P713,298.52 alang sa tuig 2022 nagpabilin nga wala ma-liquidate samtang ang balanse sa kataposan sa tuig sa other supplies and materials inventory account nga nagkantidad og P285,983.75, nagpabilin nga dormant sulod sa napulo ka tuig.

Apan gipakita usab nga ang tulo ka barangay nisumiter og compliance reports nga gilakip sa ilang mga COA reports. — /BDB (BANAT NEWS)