Mandaue labing adunahan nga siyudad

CEBU, Philippines — Gipaningkamotan ni Mayor Glenn Bercede ang pagpausbaw  pa sa naangkon karon sa siyudad isip labing adunahan gawas sa Metro Manila.

Kini subay sa annual financial audit report sa Commission on Audit nga nagpakita  nga ang Siyudad sa Mandaue maoy labing  adunahan nga siyudad.

Sa kabisay-an ang Dakbayan sa Mandaue maoy numero-uno nga pinaka-datu nga siyudad ug top 5 kini sa tibuok Pilipinas sa net assets o equity alang sa 2023 ug sa assets top 7 ang siyudad.

Nasayran nga ang siyudad nagsugod og sulbong sa pag-usbaw sa iyang kahimtang  ubos sa administrasyon ni kanhi mayor Jonas Cortes uban sa giya ug paningkamot ni kanhi city treasurer Atty. Regal Oliva.

Si Bercede nagpasalamat sa mga investor ug mga negosyante sa ilang daku nga tabang sa kalamboan sa ekonomiya sa siyudad. — /BDB (BANAT NEWS)