Katungod sa kabataan gipasabot sa Children`s Summit
CEBU, Philippines — Ang upat ka fundamental rights kun katungod sa kabataan maoy gihimug-atan sa gipahigayon nga Children`s Summit subay sa pagsaulog sa Children`s Month sa siyudad sa Talisay.
Sa usa ka buwan nila nga kalihukan, nahimo nga highlight ang children`s summit diin gitudloan ang kabataan sa ilang mga katungod.
Nag-una niini mao ang katungod sa proteksyon, katungod sa partisipasyon, katungod sa paglambo ug katungod sa survival.
Ang maong kalihukan naghatag og makahuluganon nga platform aron sa pag-edukar ingon man sa pag-empower sa kabatan-on, pinaagi sa pagtabang kanila nga makasabot sa ilang mga katungod nga dakung papel alang sa paghulma sa usa ka maayong kumunidad.
Si Talisay City mayor Gerald Anthony “Samsam” Gullas kinsa mitambong sa kalihukan nanghinaut nga pinaagi niining summit, daghan ang nakat-onan sa kabatan-onan.
Suma pa ni Gullas nga ang ilang gihimo mao ang pag umol sa kabataan aron mahimong ehemplo sa komunidad.
“We are honored to be part of this initiative that not only raise awareness but also inspire collective action towards a safe, nurturing, and inclusive environment for every child.” suma pa ni Gullas.
Nipasalamat usab siya ngadto sa buhatan sa City Social Welfare and Development (CSWD) nga gipanguluhan ni Coleen Enajada, sa mga staff ug sa tanang naningkamot aron mahimong malampuson ang kalihukan. (BANAT NEWS)
- Latest
