Gealon: Pipila ka proyekto sa SRP aprobado na

CEBU, Philippines — Pipila ka mga proyekto sa South Road Properties ang giaprobahan atol sa 2nd SRP Governing Board meeting niadtong nakalabay’ng adlaw diin masugdan na unya kini basta sigurohon nga dili maapektohan ang trapiko sa dapit.  Kini ang gibutyag ni Konsehal Rey Gealon, pangulo sa South Road Property Board.

Matud ni Gealon nga ang mga proyekto nga himuon diha sa maong dapit lakip niini ang Smash SM Seaside Project diin adunay link bridge construction, pagtangtang sa tulo ka lamp post.

Adunay ibutang nga street lighting o flood lights diha sa F. Vestil Raod diin alang kini sa safety consideration samtang ang PLDT mopahigayon usab og underground cabling diha sa dapit.

Si Gealon nagkanayon nga ang CCTO ni-request sa ilang buhatan alang sa pagtaod sa steel railing nga nahimutang sa Mambaling ubos sa flyover ug pagbalhin niini diha sa F. Vestil Road.

Gibutyag ni Gealon nga tanang proyekto aprobado na sa 2nd SRP Governing Board meeting ug makasugod na sila sa ilang construction subay sa pipila ka mga condition lakip niini nga dili mabalda ang dagan sa trapiko sa ilang respective project sa pipila ka mga dapit nga ilang gipili.

Dugang ni Gealon nga ang maong kalamboan adunay dako nga impact sa economic landscape sa SRP ilabi na nga maka-generate kini og local employment, supplements SRP’s Infrastructure need, enhance mobility ug uban pa nga mga kalamboan. — BDB BANAT NEWS