John Lloyd sa relasyon nila ni Angelica: I must be a very lucky man

MANILA, Philippines – Inamin ng batikang aktor John Lloyd Cruz na napakasuwerte niyang lalaki at girlfriend niya ang katrabahon si Angelica Panganiban.

Sinabi ng ABS-CBN talent na nagpapasalamat siyang pumayag si Angelica na makasama siya sa kanyang buhay.

“Napakaswerte ko dahil pumayag siya na maging ganito ako kalapit sa kanya, and pumayag siya to take on this journey, na maging part ako ng buhay niya, na maging kasama niya ako sa halos araw-araw na ginawa ng Diyos para sa kanya, at pinipili niya na andun ako,” kuwento ni John Lloyd.

“I must be a very lucky man,” dagdag niya.

Nagkuwento pa si JLC tungkol sa kanilang malalim na samahan ng kapwa Kapamily star.

“It’s a very promising relationship. Marami siyang pinanghahawakan. Palalim siya nang palalim. Ang ganda niya. It’s a beautiful relationship,” banggit ng 30-anyos na artista.

Aniya tumitibay ang kanilang relasyon sa kabila ng mga isyu dahil sa kanilang pagiging open sa isa’t isa.

“Openness, that’s one. And we really get along. Ang daming mga bagay na pareho naming gusto. Magkaibigan kasi kami, e,” sabi ni John Lloyd.

“Sa isa’t isa, parang sobrang steady lang. Happy lang kami.”