MANILA, Philippines - Apat na armadong lalaki pumasok at nagtangkang buksan ang safety vault ng iang bangko sa Roxas, Zamboanga del Norte nitong Lunes ng umaga.
Ayon kay Senior Superintendent James Mejia, direktor ng Zamboanga del Norte police provincial office, pawang armado ng handgun ang mga magnanakaw nang sapilitan nilang pasukin ang Pres. M.A. Roxas Rural Bank sa Barangay Lagatian bandang 10 ng umaga.
Base imbestigasyon, sakay ang mga armadong lalaki sa dalawang Starex van at mabilis na nakapasok ng bangko matapos disarmahan ang dalawang guwardiya nito.
Ayon kay Mejia, nang mabigo ang mga suspek na mabuksan ang safety vault ay mabilis din silang umalis tangay ang dalawang shotgun ng mga guwardiya ng bangko.
Tinangay din ng mga suspek ang dalawang laptop units at apat na cellphone.
Bigong maaresto ng mga rumespondeng pulis ang mga armadong magnanakaw.