'Bin Laden' huli sa Basilan

MANILA, Philippines - Arestado ng mga pulis ang lider ng isang notoryus na grupo ng mga kriminal at 5 pa niyang mga tauhan sa isang operasyon sa isang isla sa Basilan.

Kinilala ni Chief Superintendent Mario Yanga, director ng Regional Special Operation Task Group (RSOTG), ang suspek na si Margani Samla alyas "Bin Laden."

Ayon kay Yanga, si Samla ay isa sa 10 most wanted na kriminal sa buong Zamboanga dahil sangkot ang grupo niya sa drug trafficking at mga gun-for-hire operation.

Naaresto si Samla bandang 10:39 ng umaga noong Sabado sa Little Sangbay Island.

Ayon kay Senior Superintendent Edwin de Ocampo, hepe ng Zamboanga City police, natukoy nila ang pinagtataguan ni Samla matapos siyang makita sa Barangay Recodo na nagbagbagsak ng mga armas at bala.

Aniya, agad siyang nagpatakbo ng mga pulis sa lugar ngunit hindi nila inabutan ang suspek.

Itinawag ng Zamboanga City police sa mga katropa nila sa Basilan na tumakbo patungong Little Sangbay Island si Samla at doon na nakorner ng mga pulis.