MANILA, Philippines – Inararo at sinira ng flashfloods ang aanihin na sanang mga pananim na nagkakahalaga ng higit sa P5 milyon sa 10 baranggay sa bayan ng Kabacan sa North Cotabato.
Sa tantiya ng opisina ng Kabacan municipal agriculture, umabot sa P5.2 milyon ang halaga ng mga nasirang pananim dahil sa pagbaha dulot ng walang tigil na pag-ulan nitong Sabado at Linggo.
Ayon sa disaster risk management council ng Kabacan, 707 hektarya ng taniman ng bigas at mais ang sinira ng baha sa 10 baranggay.
Umapag ang ilog na dumadaloy sa paligid ng 10 barangay dahil sa walang tigil na pag-ulan.
Umabot naman sa 2,000 residente ang napilitang iwanan ang kanilang mga tahanan dahl sa pagbaha.