Miyembro ng MNLF utas sa pananambang
January 3, 2013 | 3:28pm
MANILA, Philippines – Utas ang isang dating rebeldeng Moro sa isang pananambang sa isang coastal barangay sa Zamboanga City, ayon sa isang opisyal ng pulisya nitong Huwebes.
Kinilala ni Senior Superintendent Edwin de Ocampo, city police director, ang nasawi na si Akrab Jama na isa na ngayong maliit na negosyante sa siyudad.
Miyembro ng Moro National Liberation Front ang 40-anyos na si Jama at residente ng bayan ng Tuburan sa probinsya ng Basilan.
Lulan ng bangka si Jama at naghahatid ng inuming tubig sa Sitio Mulu-Muluan sa Barangay Mercedes nang tambangan ng hindi pa makilalang mga salarin na sakay ng isang pumpboat bandang 5:30 ng Miyerkules hapon.
Patay kaagad ang biktima habang ang kapitan ng bangka na kinilalang si Abduraji Jawari ay nakaligtas matapos tumalon mula sa bangka.
Inaalam pa ng mga awtoridad ang motibo sa pananambang.
BrandSpace Articles
<
>
- Latest
- Trending
Trending
Latest
Trending
Latest
Recommended
4 hours ago
6 hours ago
13 hours ago
15 hours ago
