Sky lantern delikado - BFP
December 28, 2012 | 12:21pm
MANILA, Philippines – Balak ng Bureau of Fire Protection (BFP) na imungkahi ang pagbabawal sa paggamit ng sky lanterns na maaari umanong pagsimulan ng sunog.
"The Bureau of Fire Protection is discouraging the use of sky lanterns because it is very dangerous," sabi ni Chief Superintendent Santiago Laguna, hepe ng BFP National Capital Region, sa isang panayam sa radyo.
Aminado si Laguna na hindi pa kaya ng BFP na pigilan ang pagkalat ng mga sky lantern sa bansa dahil wala pang umiiral na batas na nagbabawal ng pagbibili nito.
May mga inisyal na ulat na ang sky lantern ang naging sanhi ng sunog na tumupok sa isang hilere ng mga apartment sa Agustin Street, Barangay Bungad, Quezon City noong Araw ng Pasko na ikinasawi ng pitong katao.
Ayon kay Laguna, lumalabas sa inisyal na imbestigasyon na ang paggamit ng “jumper” at overloading ng kuryente ang mga posibleng dahilan ng naturang sunog.
Samantala, pinaigting na ng BFP ang pagmamanman sa buong Metro Manila at iba pang mga lugar sa bansa upang maiwasan na may maganap na sunog dahil sa mga paputok.
Sa tala ng Department of Health, umabot na sa 107 katao ang nasugatan dahil sa papautok, at isa ang tinamaan ng ligaw na bahala.
BrandSpace Articles
<
>
- Latest
- Trending
Trending
Latest
