MANILA, Philippines – Nadakip na rin ng mga awtoridad ang 29-anyos na suspek sa pagpatay sa isang baranggay tanod ng Dolores, Abra.
Kinilala ang suspek na si Willie Gandalera Bautista na bumaril sa biktimang si Jacinto Velasco kamakalawa habang sila ay nasa isang inuman.
Sinabi ni Abra officer-in-charge Superintendent Clint Bayacsan, nag-iinom noon si Bautista kasama si Velasco nang magkaroon sila ng hindi pagkakaintindihan.
Sa kainitan ng pagtatalo ng dalawa ay tinaga ni Velasco si Bautista. Gumanti si Bautista at binaril ang biktima saka mabilis na tumakas.
Hindi umabot nang buhay si Velasco sa ospital.
Arestado si Bautista habang nagpapagamot sa Abra Provincial Hospital dahil sa tinamong sugat.
Nahaharap sa kasong muder si Bautista. Artemio Dumlao