MANILA, Philippines – Inabswelto ng Quezon CiInabswelto ng Quezon City court ngayong Huwebes ang inakusahang padrino ng maraming auto theft syndicate sa bansa dahil sa umano'y walang matinong ebidensya na nailabas ang mga awtoridad laban sa kanya.
Ibinasura ni Judge Eleuterio Batan ng Quezon City Regional Trial Court Branch 92 ang kasong isinampa laban kay Jovel Entote dahil walang malakas na ebidensya na nailabas laban sa suspek.
Inakusahan si Entote na nagpopondo ng mga kilabot na mga sindikato ng carjacking tulad ng Dominguez, Salvatierra, Bonifacio, Onad Santiago at Baktin groups.
Naniniwala ang mga awtoridad na si Entote ang nasa likod ng pagnanakaw ng 67 sasakyan, karamihan ay sports utility vehicles, na nabawi ng Highway Patrol Group ng Philippine National Police sa probinsya ng Bohol at sa mga lungsod ng Bacolod, Cagayan de Oro, at General Santos noong nakaraang taon. Dennis Carcamo
Absuwelto rin si Entote sa kasong carjacking with homicide dahil sa pamamaslang sa isang tsuper na si Rodolfo Petalino noong Abril 2009 sa Katipunan Road sa Quezon City.
Iniutos na ng korte sa pulisya na palayain si Entote na dinakip noong Agosto 7.