Magsasaka timbog sa buy-bust operation

MANILA, Philippines – Timbog ang 31-anyos na magsasaka sa isang drug buy-bust operation sa Polomolok, South Cotabato, ayon sa Philippine Drug Enforcement Agency (PDEA) ngayong Huwebes.

Nakuha mula sa suspek na si Jose Jumamoy ng Klinan 6, Polomolok, South Cotabato ang 2.5 gramo ng shabu na ibinenta niya sa isang undercover agent ng PDEA.

Ayon kay PDEA chief Arturo Cacdac Jr., inaresto si Jumamoy noong Nobyembre 20 sa Baranggay Magsaysay, Polomolok matapos magbenta ng isang pakete ng shabu na may tinatayang halaga na P20,000.

Nabawi din kay Jumamoy ang dalawang piraso ng P500 bills at 19 na piraso ng P1,000 bills na ginamit bilang marked money sa transaksyon.

Nahaharap si Jumamoy sa kasong paglabag sa Section 5 (Sale of Dangerous Drugs), Article II ng Republic Act 9165 o ang Comprehensive Dangerous Drugs Act of 2002. Dennis Carcamo