‘Di makawala sa anino ng kakambal

Dear Vanezza,

May kakambal ako na kahit kailan ay kahati ko sa atensyon. Mula pagkabata ay kinukumpara kami mula sa grades at achievements namin sa buhay. Ngayon kahit may kanya-kanya na kaming trabaho ay hindi pa rin ako nakakawala sa anino niya. Ang nakalulungkot ay hindi ako ang sikat, kundi ang kakambal ko maging sa mga chicks. Sa malas pa, yung type kong babae ay siya ang gusto. Malas ba talaga ako? – Jack

Dear Jack,

Huwag mag-isip ng negatibo. Hindi mo lang nakikita ang strength mo. Huwag pansinin ang sinasabi ng ibang tao, kundi magpokus sa mga bagay na nagpapasaya sa iyo. Huwag mawalan ng pag-asa, may tamang babae na nakalaan sa iyo. Ibaling ang iyong atensyon sa ibang liligawan kaysa sa umasa sa wala.

Sumasainyo,

Vanezza