Egg White sa Eyelids

Pinakamanipis na bahagi ng mukha ang ating eyelids o talukap.

Sensitibo ang area na ito kaya naman may mga pamahid na ginawa para lamang sa parteng ito ng ating mukha.

Ito rin ang dahilan kung bakit ang talukap ng ating mata ang isa sa pinakamabilis lumawlaw habang tayo ay tumatanda.

Narito ang ilang paraan para mapabagal ang pag­lawlaw nito at sa halip ay maging firm ito.

Yelo ­– Ang pagpapahid ng ice sa mukha ay nagdudulot ng pagiging banat nito na nagreresulta sa mas batang hitsura.

Chamomile tea ­– Ilagay lamang ang nagamit nang chamomile teabag sa refrigerator ng 20 minuto at saka ipatong sa mata nang nakapikit.

Egg white ­– Ilagay lamang ang puti ng itlog sa paligid ng malinis at tuyong eyelid.

Ubas ­– Kilala ang prutas na ito sa pagpapabagal ng cellular aging process ng ating balat.

Pipino ­– Hitik ang pipino sa caffeic acid and ascorbic acid na siyang nakababawas ng pamamaga.