Aids

Ang AIDS ay sakit na maaaring ma-develop sa mga taong may HIV. Ang AIDS ay advance HIV ngunit hindi nangangahulugang ang taong may HIV ay magkakaroon na ng AIDS.

Pinapatay ng HIV ang CD4 cells. Ang mga healthy adults ay karaniwang may CD4 count na 500 to 1,500 per cubic millimeter. Ang taong may HIV na ang CD4 count ay mababa sa 200 per cubic millimeter ay mada-diagnose ng AIDS.

Mada-diagnose rin ng AIDS kung mayroon HIV at may opportunistic infection o cancer na bihira sa taong walang HIV. Ang opportunistic infection gaya ng pneumonia ay delikado kung may HIV.

Kung ‘di malulunasan ang HIV ay magiging AIDS sa loob ng isang decade. Walang lunas sa AIDS at kung walang treatment, ang life expectancy ay tatlong taon kapag na-diagnose.

Iiksi ang buhay kung magkakaroon ng opportunistic illness ngunit ang treatment na antiretroviral drugs ay makapipigil sa pag-develop ng AIDS.

Kapag nag-develop ang AIDS, nangangahulugang ang immune system ay hihina kaya mahihirapang labanan ang mga sakit at infections.

Dahil dito, manganganib sa sakit na pneumonia, tuberculosis, oral thrush, fungal infection sa bibig o lalamunan, cytomegalovirus (CMV), herpes virus, cryptococcal meningitis o fungal infection sa brain, toxoplasmosis na isang brain infection sanhi ng parasite, cryptosporidiosis na infection sanhi ng intestinal parasite at cancer kabilang ang Kaposi’s sarcoma (KS) at lymphoma.