Anak na nagmamalaki sa magulang

Dear Vanezza,

Aminado akong masipag sa pag-aaral ang anak ko at consistent na mataas ang mga grades sa college. Kaya pinapayagan kong gumala kasama ang kanyang mga friends. Pero inaabot naman ng gabi as in madaling araw. Katuwiran niya hindi naman niya pinababayaan ang studies niya  kaya huwag daw pakiaalaman ang paggagala niya.

Ano ba ang gagawin ko bilang nanay. - Mrs. Sanchez,

Dear Mrs. Sanchez,

Habang nasa poder ang anak ay kailangan pa rin siyang magpasakop sa rules ng magulang. Hindi katuwiran na komo mataas ang grades niya ay puwede nang abutin ng madaling araw sa labas ng bahay. Responsiblidad niya bilang estudyante na mag-aral nang mabuti para rin sa kanyang kinabukasan balang araw. Hindi para magmalaki sa kanyang magulang.