Pinapahamak ng manliligaw
Dear Vanezza,
Bilin ng magulang ko na bawal muna akong paligaw. Pero nangungulit ang classmate ko, kung puwede raw kaming maging magdyowa at huwag na lang daw sabihin sa parents ko, tutal naman daw ay hindi nila malalaman. Totoo at malinis daw ang intensyon niya sa akin. Pero natatakot ako sa mga magulang ko.
Makulit naman ang manliligaw ko na tiyak daw na hindi mahahalata dahil maganda naman daw ang grades ko. Natutukso na akong sagutin siya dahil curious ako dahil hindi pa ako nagkaroon ng boyfriend, pero takot ako na mabuking ng magulang ko. Ano ba ang gagawin ko?
Chiqui
Dear Chiqui,
Huwag makinig sa manliligaw mo. Kung tunay ang intensyon niya sa iyo ay igagalang niya ang desisyon ng magulang mo. Hindi ka rin niya tuturuan na labagin ang utos ng parents mo na maaaring ikapahamak mo. Bagkus ay manindigan na sumunod sa iyong magulang upang magkaroon ng blessings ang buhay mo. Ituon ang iyong pokus sa pag-aaral na maghintay sa tamang panahon kung kailan may basbas na ang iyong magulang kung kailan ka magkakanobyo.
Sumasainyo,
Vanezza
- Latest
