Plus-sized models sumisikat

Karamihan sa mga modelong ating nakikita ay picture-perfect na ang ibig sabihin ay walang peklat sa mukha, maputi, perpekto ang ngipin, matangos ang ilong at balingkinitan ang katawan na maihahalintulad sa isang dyosa.

Pero tila nagbago na ang pananaw ang modern fashion industry. Nagsimula na rin sila sa pagpapahalaga ng iba’t ibang ganda. Ito ‘yung mga gandang sa umpisa ay ‘di karaniwan dahil hindi tayo sanay na makita silang nasa billboard, magazine at commercials.

Kilala ang sikat na model na si Ashley Smith sa pagkakaroon ng malaking puwang sa kanyang ngipin. At hindi naging hadlang ito para maabot ang kanyang pangarap na sumikat. Nag-model na sa mga sikat na magazine si Ashley gaya ng Vogue at Glamour. Naging mukha rin siya ng mga sikat na jeans tulad ng Levi’s at Gap.

Hindi naman nalalayo ang kwento ni Ashley sa sikat na plus-sized model na si Ashley Graham at Paloma Elsesser.

Nag-trending ang kakaibang beauty ni Paloma sa social media dahil marami ang naka-relate sa kanyang katabaan.

Ngayon nga ay mapapansing may plus-sized model na rin ang mga sikat na brand dito sa Pilipinas. Dahil dito ay mas nagiging proud at confident ang mga tao sa kanilang panlabas na anyo.