Mister na ubod ng sinungaling

Dear Vanezza,

Nagkukumahog akong magtrabaho sa ibang bansa para sa mister at mga anak ko. Pero bumaligtad ang mundo, inaakusahan ako ng mister ko na kesyo na may iba raw akong lalaki. May kinakasama na raw akong ibang asawa rito sa Dubai. Nagulantang ako sa kuwento na pinagkakalat mismo ng mister ko. Ang totoo ay ubod ng sinungaling ang asawa ko, kabaligtaran dahil siya pala ang may itinatagong kabit sa ‘Pinas. Gumawa siya ng paraan na siraan ako para lamang magsama sila ng babae niya. Ano po ang gagawin ko? – Karla

Dear Karla,

Harapin ang iyong problema na puwedeng idemanda ang mister mo. Ipaliwanag sa iyong mga anak ang totoong sitwasyon at pagpaliwanagan sila. Kung buo na ang loob ng mister mo na iwan kayong mag-iina, puwede pa rin itaguyod ang iyong mga anak. Huwag panghinaan ng loob dahil ikaw ang magsisilbing lakas ng mga anak.

Sumasainyo,

Vanezza