Bayaning aso prinotektahan ang amo laban sa cobra

Pinatunayan ng dalawang aso ang kanyang loyalty matapos nitong makipaglaban sa isang cobra na nakapasok sa tahanan ng kanilang owner sa Kidapawan City.

Namatay si Miley na isa sa dalawang Dachshunds na nakipaglaban, habang ang isa naman ay nabulag matapos itong matalsikan ng kamandag sa mata, minuto lamang matapos siyang matuklaw ng ahas na kanila ring napatay.

Ayon sa Facebook post ng kanilang owner na si Jaime Selim, makikita sa CCTV footage na talagang sinusubukan ng cobra na makapasok sa loob ng bahay kaya agad itong pinigilan ng dalawang aso at pinagkakagat.

Napanood din sa footage na habang kinakagat ng mga aso ang ahas ay mas lalo itong lumalakas ngunit hindi nagpatalo ang dalawang aso kaya nila ito napatay.

Abot langit ang pasasalamat ni Jaime sa mga aso na para sa kanya ay talagang prinotektahan ang kanyang anak na natutulog.