Love life o pera ngayong summer?

* Pera siyempre naman. Sa hirap ng buhay ngayon kukuha pa ba ako ng babae para pagkagastusan lang? Kung puwede ko lang isanla ang BF ko ngayong summer para makaligo ako sa beach. Hahaha. Pero mas mahalaga naman talaga kasi ang pera. Kailangan natin ng pera para mabuhay. Kaya pera ang pipiliin ko. – Merly Pasay

* Love life para maiba naman. Ang dami ko ngang pera tulad ngayon pero wala namang pinagkakagastusan. Ang mga barkada ko lang kasama ko. Sana bago matapos ang summer ay magka-love life naman ako para sumaya ang life. – Cecille, Taguig

* Happiness ang gus­to ko ngayong tag-init. May pera o love life basta masaya ako. Aanhin ko ang pera kung hindi naman ako masaya.  Marami ngang pera pero kulang sa love life. At aanhin ko naman ang dyowa kung hindi kami masaya o sakit lang ng ulo? May mga relationship na hindi naman nagiging masaya ‘di ba? Kaya happiness ang gusto ko ngayong mainit na panahon – Beshie, Bataan

* Siyempre pera ang pipiliin ko. Mas madali nang magkaroon ng love life kung marami kang pera. Sila na ang kusang lalapit sa’yo. Hahaha. Ang tao nga naman mukhang pera. Pero sa totoo lang kung papipiliin ako, cash na lang ngayong summer. Ang dami ka­sing pinagkakagastusan malapit na ang pasukan.  – Leslie, Cebu

* Gusto ko ng love life kahit walang pera. Sawang-sawa na akong mag-isa. Sana mahanap ko na ang forever ko. Hindi ka magiging masaya kung pera lang ang iikot sa buhay mo. Dapat mayroon kang makakasama hanggang pagtanda kaya sana makahanap na ako ng love life bago pa ako dumating ang tag-ulan na malamig na panahon. – Alma, Laguna