Nobyo nagbabanta sa gf

Dear Vanezza,

Summer time na at gusto ng nobyo ko na mag-get away kami somewhere para magkasarilinan kami. Ang problema ay may phobia akong mag-travel dahil naaksidente  kami ng magulang ko. Talagang wasak ang kotse namin na himala lang kaming nabuhay. Ang kaso ay nakabili na ng ticket ang BF ko na nagtatampo dahil sorpresa niya sa akin ang bakasyon namin. Pero gustuhin ko man ay hindi ko pa kaya. Sukat ba naman na nagbanta ang BF ko na magsasama na lang siya ng ibang babae. Tinakot pa ko ‘di ba! Pero worry ako, ano ba ang dapat kong gawin? – Sheena

Dear Sheena,

Hindi magandang biro ang sinasabi ng BF mo na magsasama siya ng ibang babae. Dapat ay respetuhin niya ang iyong sitwasyon. Pilitin mo man ay baka hindi kayo mag-enjoy dahil sa iyong phobia. Puwede pa naman ipa-rebook o ibenta ang ticket. Kung totoong gagawin niya yun, magpasalamat ka na maagang makikilala ang iyong nobyo na walang konsiderasyon sa iyong nararamdaman.

Sumasainyo,

Vanezza