Oras para sa romance sa asawa

Madalas iniisip ng lalaki na ang pagromansa kay misis ay ang pagbili ng isang regalo o paggawa ng bagay o sitwasyon. Puwede naman ang lahat nang nabanggit ay maaaring isang paraan ng komunikasyon sa babae. Pero ang romance para sa lahat ng relasyon ay paglalaan ng time na feeling safe at pagtanggap sa simpleng magkasama.

Ang totoong romantic memory ay pareho kayong day off para makapiling lang ang asawa. Nai-enjoy ang leisure na sabay kumakain ng agahan. Mag-iikot ng ilang oras sakay ng kotse. Hihinto sa lugar kung saan gusto. Parang lang nagha-honeymoon. Ilang oras na walang responsibilidad na iniisip. Walang inaalala. Magkasamang nagliliwaliw at mag-hang out. Kasama lang si misis o mister na malayo sa demand ng trabaho o pressure ng pagiging magulang. Mag-uusap at magtatawanan lang sa maghapon.

Hindi man typical na kinakarga na ipapasok si misis sa isang castle na “to live happily ever after.” Higit na feeling na mayaman kung kayakap ang mahal na asawa. Isang uri ng romance na dalisay ang kasiyahan na makapiling si wifey at hubby sa isang araw.

Ngayong buwan ng mga puso ay pag-usapan ang ideas kung paano magdi-date. Upang i-renew ang spark ng relasyon na makasama ang maybahay o mister.