Biyudo, Hindi Boto ang Anak sa GF

Dear Vanezza,

Isa na akong biyudo. May girlfriend ako ngayon na mas bata sa akin ng 10 taon. Gusto ko na sana siyang pakasalan, pero hindi boto ang mga anak ko sa kanya. Hindi niya makasundo ang mga anak ko. Pero mahal ko ang GF ko. Nagdadalawang-isip ako kung sino ang pipiliin ko, ang mga anak ko o ang GF ko? Ano ba ang mabuti kong gawin? - Jose

Dear Jose,

Pag-aralan mong mabuti ang iyong desisyon. Kung nasa tamang edad na ang mga anak mo, may kalayaan kang magdesisyon para sa kaligayahan mo. Panahon na upang ikaw ay magkaroon muli ng katuwang at kasama sa buhay. Pagpaliwanagan mo ang iyong mga anak upang magkaintindihan kayo ng mga bagay na ayaw at gusto nila sa iyong mapapangasawa. Dahil ikaw ang magsisilbing tulay upang magkasundo ang iyong mga anak at GF.

Sumasaiyo,

Vanezza