Nobyo ayaw sa ugali ng pakakasalang gf

Dear Vanezza,

Ako po ay 28 years old na at may gf  na malapit na kaming ikasal. Pero hindi ko maintindihan ang ugali niya ngayon. Kung minsan ay sweet, pero madalas ay bugnutin. Nagtataka ako sa inuugali niya. Madalas ay humihingi siya ng mga bagay na imposible, na parang naglilihi. Naiisip ko tuloy na baka nanadya lang siyang inisin ako para ako na ang kusang makipag-break sa kanya at nang hindi na matuloy ang kasal namin. Dapat ko pa bang ituloy ang kasal namin? - Jack

Dear Jack,

Ang pusong nagmamahal ay handang magtiis. Kung tunay ang pagmamahal mo sa kanya, handa mong tiisin ang pagiging moody niya. Kausapin mo siya tungkol sa nagbabago niyang ugali. Baka naman sinusubukan ka lang niya kung hanggang saan ang pagmamahal mo. Pero kung sa pakiramdam mo ay hindi mo na ma-take ang kanyang mga “paglalambing” o ugali, tapatin mo siya. Kung mahal ka niya, hindi niya paglalaruan ang pag-ibig mo lalo’t na malapit na kayong ikasal.

Sumasaiyo,

Vanezza