Pangako ng 2019

Kung dumaranas ng pighati dahil sa paglisan nang namayapang loved one, natapos na relasyon mula sa nobyo o nobya, o puwede rin na nawasak na relasyong mula sa relasyon ng mag-asawa.

Tiyak na hindi pinakamasayang panahon ang taon ngayong pagharap sa holiday season. Yung kahit Christmas song ay mas nagpapalungkot sa iyong mood. Wala ring magandang effect ang mga pailaw at festival na okasyon. Sa halip ay mas nadidismaya at feeling blue.

Huwag mag-alala, ilang kembot na lang kung gaano kabilis dumating ang kapaskuhan, ganundin katulin ang takbo ng pagdating ng bagong taon. Lilipas din ang sakit, kabiguan, at kalungkutan.

Huwag mawawalan ng pag-asa. Kapit lang beshies o mga kumpare. Dahil isang araw ay lilingon at tatawanan mo na lang ang lahat ng mga nangyari. Kaya huwag bibitaw dahil may dalang bagong pag-asa ang paparating na bagong yugto ng ating buhay ngayong 2019. Isipin ang bagong blessing, strength, at challenges na haharapin sa bagong journey na ihahatid ng 2019.