Biyuda na kapit sa patalim

Dear Vanezza,

Biyuda na ang hipag ko dahil pumanaw na ang utol ko. Pero naiinis akong maringgan na wala na raw magbabayad ng kuryente nila kaya may BF agad siyang may sabit naman. Tama ba na mas priority pa ni hipag ang bf nito sa pag-aasikaso kaysa sa dalawang anak niya. Samantalang malakas pa siya na pwedeng magtrabaho upang itaguyod ang anak nila ng kuya ko. Ano ba ang sasabihin ko sa magaling kong hipag? - Josie

Dear Josie,

Pwedeng paalalahanan ang iyong hipag na maghanap ng lalaking binata upang malaya siyang magpakasal uli. Maaari rin siyang hamunin na magtrabaho upang mabuhay ang kanyang mga anak na hindi kailangan umaasa sa lalaking may sabit. Kailangan ng inyong hipag ang support system kung kaya naghahanap siya ng taong makatutulong, makakaagapay, at comfort na nakita niya sa ibang lalaki. Higit na suportahan ang iyong hipag dala na marahil ng kanyang kalungkutan at takot kung bakit nagagawa niyang kumapit sa patalim kahit sa lalaking may asawa.

Sumasainyo

Vanezza