Budget at Buddy

Ang mga taong laging conscious sa kanilang pitaka na bago mag-shopping ay dapat may tatlong bantayan: ang budget, buddy, at isang relo. Ang budget ay paraan kung magkano lamang ang dapat gastusin at ma-afford na puwedeng bilhin ng cash. Kung mayroong credit card, siguraduhin na mag-set ng maximum na kayang bayaran sa loob ng dalawa o tatlong buwan. Ang buddy na kasama ang dapat na magpaalala o bigyan ka ng reality check ang iyong limited na budget. Magandang mag-partner sina misis o mister na dapat tuwing mamimili ay magkasama upang pigilan ang isa na huwag mag-overspend na pigilan ka rin na huwag mangutang. Ang role rin ni partner na ilabas ka sa store once na na-hit mo na ang iyong limit. Sabi nga nila hindi lang romantic na mag-holding hands ang mag-partner sa loob ng mall, kundi ito ay higit na economical din. Para mapigilan ang mga babae na huwag gumastos sa loob ng stores.

Samantalang maaa­ring mabutas ang iyong wallet at credit card kapag nagtagal pa sa loob ng mall o shopping lalo na kung may sales ang mall. Sa halip ay limitan ang oras sa pag-iikot kaya mag-set ng timer. Puwede rin i-set up ang ring tone na verbal tone na maririnig na magsasabi ng “times up”.  Maaaring isa o dalawang oras lamang bilang paalala na tapos na ang iyong pagsa-shopping sa loob ng mall.