Lalaki hindi na nakabalik matapos pasukin ang Paris catacombs

Naging usap-usapan noon ang footage ng isang misteryosong lalaki na pinasok diumano ang Paris catacombs at hindi na muling nakabalikpa. Ang Paris catacombs ay sikat na puntahan ng mga turista, isa itong tunnel kung saan nakalagay ang milyun-milyong buto ng mga taong namatay.Inabot ng mahigit 12 na taon ang siyudad bago mailipat ang lahat ng labi ng mga taong ito.Sinasabing ang lalaki ay pumasok daw ng ilegal sa tunnel kaya naligaw, wala rin daw itong kasamang guide.Kitang kita sa footage kung paano ito kumaripas ng takbo. Nabitawan niya ang hawak na videocam pero dinig pa rin ang kanyang mga yabag.
Isang grupo ng explorer ang nakakita sa nasabing videocam at agad itong dinala sa mga pulis para maimbestigahan.Maraming nagsasabi na ang footage raw na iyon ay peke at ginawa lamang para magsilbing panakot sa mga gustong pumasok doon ng walang paalam. Pero ayon sa mga propesyonal, halata raw na hindi kabisado ng lalaki ang nasabing tunnel.
Hindi lang ito ang unang pagkakataong may pumasok doon at hindi na nakalabas.Taong 1793 nang matagpuan ang katawan ng lalaking nagngangalang Philibert Aspairt, 11 taon na ang nakalilipas matapos niyang mawala.
Natagpuan ang katawan niya kung saan malapit na niyang maabot ang exit.