Nobyo hindi pabor sa LDR

Dear Vanezza,

May GF ako sa probinsiya namin sa Cebu at nandito ako ngayon sa Manila. Ang problema ko ay hindi ko na siya mahal kahit lagi kaming nag-uusap sa messenger. Ayaw ko ng long distance na relasyon, hindi ko po feel. Ano ang gagawin ko? Sasabihin ko ba ang totoo na hindi ko na siya mahal? Ayaw ko rin masaktan siya kasi mahal na mahal niya ako. - Jojo

Dear Jojo,

Huwag mo nang paasahin ang GF mo. Habang maaga ay sabihin mo ang totoong feelings mo. Normal na masaktan siya pero para sa ikabubuti ninyong dalawa ay kalasan mo na. Magsabi ka ng totoo na hindi mo kaya ang LDR na tiyak na maiintindihan niya. Upang maging malaya siya sa iyo. Darating din ang araw na makakahanap siya ng bagong karelasyon.

Sumasaiyo,

Vanezza