Hindi nakatiis sa magulang
Dear Vanezza,
Hindi na ako nakatiis sa paghihigpit ng magulang ko, nagpakasal ako secretly sa aking manliligaw na hindi ko naman mahal. Ang problema lumabas na ng kulay ng mister ko na sobrang mabisyo. Ngayon ay nagsisisi ako, kung puwede lang bumalik sa bahay namin ay nagawa ko na. Pero feeling ko nakulong ako sa masamang panaginip. Ano ba ang gagawin ko? - Min
Dear Min,
Wala kang magagawa kundi tanggapin ang katotohanang ikaw ay isang babaeng may asawa na. Maliban na lamang kung kokonsulta ka sa isang magaling na abogado upang hanapan ng butas ang inyong kasal para ma-annul. Hindi laruan ang pag-aasawa o kaya’y gawing kasangkapan upang ipamata sa iyong magulang ang iyong pagrerebelde. Ang ginawa nilang paghihigpit sa’yo ay para sa inyong kapakanan.
Sumasaiyo,
Vanezza
- Latest
