Ala-Machine Gun na Bibig ni Nanay

Sa reunion ng anim na magkakapatid na may magagandang trabaho mula sa  panganay na civil engineer, math teacher, nurse, accountant, at chef na dinalaw ang mahal nilang tatang at nanang sa bayan ng Tiaong, Quezon sa kanilang probinsiya.

Naghuntahan ang magkakapatid na pinagtatawanan ang pagiging mabunganga ng kanilang mahal na nanay. Para raw machine gun ang bibig ni nanay na talagang dadapa ang lahat kapag nagsimula nang magsermon ang nanang nila nung mga bata pa sila.

Humirit naman si nanang sa gitna ng kuwentuhan ng mga anak na kung hindi raw siya naging madada noon ay baka sa kangkungan na pinulot ang kanilang pamilya. Natahimik ang lahat ng magkakapatid dahil ngayon lang nila na-appreciate ang pagiging mabunganga ng kanilang ina in a good way. Hindi sumuko si nanay sa pagpapaalala sa mga anak.

Kung kaya ngayon ay may magagandang estado sila sa buhay na ipamamana rin sa kanilang mga anak.