Condoms Para sa High School Students na Ipamimigay, Pabor ka ba?

* Huwag munang mag-over react. Hindi naman parang candy na basta na lang ibibigay sa mga estudyante ang condom. Siyempre may proseso lahat,  ituturo lang ang sex education na laging kasama ang condom. Tamang pag-aralan muna ang idea na pinag-uusapan ng mga DOH at DepED kung tama ba o solusyon ang pamimigay ng condom sa paglaki ng bilang ng HIV at Aids sa mga teenagers. – Cecile, Manila

* Ako hindi ako pabor na magbigay ng condom sa mga estudyante. Kasi para mo nang ginigising ang curiosity o malikot na pag-iisip nila tungkol sa sex. Pwede ituro ang sex education na hindi kailangan mag-abot ng condom. – Lenlen, Dubai

* Hindi lang condom ang solusyon sa pagtaas ng sexual diseases sa bansa. Kundi patnubay ng mga magulang na huwag silang bigyan ng cell fone kung saan sila libreng nakikipag-chat sa hindi nila kilala. Mabilis mauto ang mga bata kaya dapat bantayan ng magulang ang gamit nila sa Internet.

– Debby, Makati

* Bilang nanay ayaw kong bigyan ang anak ko ng condom. Magwawala ako ‘di ba. Ang dapat ituro sa mga estudyante ay ang tamang sex education. Tulad ng epekto ng pre marital sex.  Ang maling pakikipagtalik sa kapwa gender. Hindi pagiging honest sa asawa. – Ivy, Caloocan

* Naku, hindi ako pabor na bigyan ang estudyante   ng condom. Pero bilang nanay minsan kailangang mong turuan ang anak mo na gumamit ng condom dahil hindi mo alam ang panahon ngayon.  – Janice, Dasma