Epal na pinsan

Dear Vanezza,

Naiipit ako sa pinsan ko at sa dati niyang ex girlfriend. Gustong dumalaw ng ex niya sa bahay namin dahil minsan din naman kaming naging mag-bestfriend kahit break na sila ng pinsan ko. Nagbabalak kami ngayong sem-break na mag-stay sa bahay dahil na-miss na rin namin ang isa’t isa. Sukat ba namang kumokontra ang pinsan ko. Keso bad influence raw sa akin ang dati  niyang nobya. Kung ang nanay ko nga ay pumapayag na magkita kami ng bestie ko, tapos yung pinsan ko affected sa muling pagbabalik ng nobya niya.  Tuloy naiinis ako sa pagiging epal ng pinsan ko. Pero tuloy pa rin ang dating ng kaibigan ko na dati niyang dyowa. Sabi ng nanay ko, baka ginagamit lang ako pareho ng pinsan at bestfriend ko na kunwari ay galit-galitan pero gagawin lang akong daan para magkita ang dating magdyowa. Bad trip. – Kikay

Dear Kikay,

Huwag mong  pansinin ang pinsan mo kung pinayagan ka na ng nanay mo na makasama kayo ng bestfriend mo. Pero sa isang banda ay tingnan mo rin kung may punto ang nanay mo na ginagamit ka lang ng bestfriend mo para magkita sila ng dati niyang BF. Kung talagang inis ka na sa epal mong pinsan, puwede naman sa ibang lugar na lang kayo mag-meet para walang istorbo sa pagkikita n’yo ng bestfriend mo.

Sumasainyo,

Vanezza