Iniputan sa Ulo

Dear Vanezza,

Itago n’yo na lang ako sa pangalang Mike, 29 years old, binata at nagpaplano sanang mag-asawa sa susunod na taon. Meron po akong nobya, pero nakita ko siyang sinundo siya sa opisina ng barkada ng kuya niya na galing Singapore na kaakbay pa sa kanya. Nanghina ako at feeling kong iniputan ako sa ulo. Hindi man lang nakipag-break muna sa akin, bago niya tinanggap yung mokong na lalaking iyon. Mula noon hindi na ako nagpakita sa kanya. Palibhasa ay nag-a-abroad yung lalaki na ipinalit niya sa akin. Hindi kasi siya makapaghintay dahil hindi pa ako nakakasakay ng barko. Kaya ko naman ibigay ang luho niya kapag nakasakay na ako. Masama pa rin ang loob ko sa nangyari. - Mike

Dear Mike,

Mabuti at nakita mo na agad ang tunay niyang pagkatao. Hindi pa man kayo nagkakatuluyan ay nakuha ka na niyang ipagpalit sa iba. At least alam mo nang hindi siya magiging tapat sa iyo kung sakaling siya ang napangasawa mo. Huwag kang mag-alala at lilipas din ang sakit na nararamdaman mo. Bata ka pa at marami ka pang makikilala. Pero magsilbing aral sa iyo ang ganyang klase ng babae na mas mahalaga ang material na bagay.

Sumasainyo

Vanezza