Matupad ang Inaasam kay Crush

Dear Vanezza,

Tawagin na lamang po ninyo akong Michai, 17. Mula elementary ay may crush na ako. Kaso lumipat na ang pamilya niya sa Maynila. Lungkot na lungkot ako at miss na miss ko na siya. Gustung-gusto ko po siyang makita. Gusto ko lang siyang kumustahin. Ayaw kong mawala ang aming komunikasyon. Ano po sa tingin ninyo, may gusto rin kaya siya sa akin? Pwede po bang ako ang unang kumontak sa kanya?

Dear Michai,

Walang masama kung kumontak ka sa crush mo para kumustahin siya. Pero kung talagang interesado siya sa iyo, siya ang gagawa ng unang hakbang. Mahirap umasang may katugma siyang damdamin para sa’yo dahil noong panahong iisa lang ang pinapasukan ninyong paaralan, hindi niya nagawang sabihin sa iyo kung mayroon siyang pagtingin sa’yo. Pero kung nahihiya siyang magsabi kaagad ng damdamin, kung magkakaroon man ulit kayo ng komunikasyon, baka matupad na ang inaasam mo.                                                      

Sumasaiyo,

Vanezza